We Auto Service

Дугуйг хэрхэн сонгож авах вэ

Gh05T — Sun, 11 Apr 2010 08:56:09 GMT

Ер нь бол диагональ ба радиаль гэсэн хоёр хэв маягийн дугуй байдаг. Тэгээд ч диагональ дугуй нь иргэншсэн ертөнцөд нэгэнт ашиглагдахаа больж буй тул энд радиаль дугуйн тухай л ярих болно. Орчин үед ихэнхдээ дотор хаймаргүй дугуйнууд ашиглагдах болсон боловч хаймартай дугуй бас үйлдвэрлэгдсээр л байна.

Дотор хаймаргүй дугуй бол илүү хөнгөхөн төдийгүй инерци багатай тул машины тогтвор болон жолоодлогыг сайжруулдаг. Дугуйны гадаргууд байх тэмдэглэгээг сайн мэддэг байх ёстой. Тухайлбал, 175\70 R13 80S гэдэг тэмдэглээний эхний гурван тоо нь дугуйн өргөний харьцангуй хэмжээг заадаг энэ тохиолдолд 175мм байна гэсэн үг. Зураасны ар талын хоёр оронтой тоо бол дугуйн өндрийн хэмжээг өргөнд нь харьцуулсан хувь хэмжээг буюу өндөр намын индексийг харуулдаг. R үсэг бол дугуй нь радиаль гэдгийг хэлж байна. 13 гэдэг тоо нь дугуйн суух диаметрийг дьюмээр илэрхийлсэн хэмжээ болно. 80 гэдэг тоо нь ачаа даах индекс бөгөөд энэ тохиолдолд 450 кг байна. S үсэг нь дээд хурдны хэмжээ, энэ тохиолдолд 180 км\ц байна. Хэрэв өндөр намын индекс байхгүй байыгаа бол дугуйн биеийн өндөр өргөнтэйгөө харьцах нь 80-82% байна. Илүү хүчирхэг дугуйнууд бол REINEORCED гэсэн тэмдэгтэй байдаг. Тэд нь илүү хатуу бөгөөд дотоод даралтыг даах чадвартай юм. Эднийг ерийн машинд ашиглаж бас болно. Хөнгөн ачааны тэргэнд зориулсан илүү их хүч нэмэгдүүлсэн дугуй хэмжээний тэмдэглээний ард худалдааны тээвэр гэсэн “С” тэмдэгтэй байдаг. Түүнээс гадна тийм дугуйнуудад дан болон давхар үедээ ачаа даацыг заах бутархай индекс нь байдаг. Эдгээр нь 3.0-5,5 кгс\кв.м дотоод даралттай байхаар тооцсон байна. Ийм дугуйг тэмдэглэх жишээ: 165R14С 93\91N гэх мэт. Бүрэн хөтлөгчтэй, газар сайгүй явагч машинд зориулсан дугуй тусгай хэмжээгээр ялгарахаас гадна бас шороон замаар явахад зууралтыг нэмэгдүүлж өгдөг салбарласан бүрээс хээтэй байна. Тэдний ихэнх нь M+S гэсэн цас болон шаврын тэмдэгтэй. Е үсэг нэмэгдсэн бол тийм дугуйнд хадаас бэхэлж болно гэсэн үг.

Энэ бүхнээс гадна бас дугуйн дээр түүний даах хамгийн дээд ачаалал болон дээд даралтыг тэмдэглэж өгсөн байдаг.

Одоо үед автомашинд зориулсан 60, 55, 50, 45, 40, 35 гэсэн индекстэй, 13, 14, 15, 16, 17 ба 18 бүр 22, 24 хүртэл дьюмийн дугуйны суултын диаметртэй дугуйнуудыг үйлдвэрлэдэг болсон бөгөөд эдгээр нь зөвхөн дотор хаймаргүй бөгөөд хурдны машин ба сайн замд зориулагдсан юм. Бүх улиралд зориулагдсан дугуйнаас гадна өвлийн дугуйн олон төрөл, тэр ч бүү хэл шавартай үед ашиглах зөвхөн намрын дугуйг ч гаргах болов. Жинхэнэ өвлийн дугуй нь хальтиргаатай замд хадаастай дугуйнаас нэг их дутахгүй бөгөөд ийм дугуй төрөлд GOOD YEAR ULTRA GRIP 3; MICHELIN XM + S 100 зэрэг орно.

Дугуйны диск |овууд\ сүүлийн үед ихэнхдээ хөнгөн хайлшаар хийгдсэн байх болсон. Ган төмөр нь зэвэрдэг муу талтай. Хөнгөн хайлшин диск нь ган төмөр дискийг бодвол нэгээс нэг хагас дахин хөнгөн боловч үнэ нь бараг ийм дахин өндөр байдаг.

Дискийг сонгон авахдаа гоё ганганыг нь гол болголгүй дугуйн суултын хэмжээг нь гол болговол зохино. Машиндаа тохирсон хэмжээний дискийг сонгохгүй бол тоормосны механизм хэвийн ажиллагаагаа алдаж ч болно.

Автомашин угаах үед гардаг алдаанууд:

Gh05T — Sun, 11 Apr 2010 08:54:29 GMT

1. Орчныг бохирдуулж болохоор арга, газрыг сонгож болохгүй
2. Зориулалтын газар, зориулалтын багаж төхөөрөмж хэрэглэн угаалгыг үйлдэнэ.

3. Угаах газарт автомашинаа зөв байрлуулна
4. Шилнүүд, люк, хаалгыг гүйцэт хаана. Антенн, толь зэргийг эвхэж бэлтгэнэ. Энэ нь эргэдэг барабан автомат угаагчаар машин угаахад тэдгээрийг гэмтээхгүй байхад маш их үүрэгтэй.
5. Автомашиныг угаах үед асаалттай байлгаж болохгүй
6. Зогсоолын тормозыг татсан байна
7. Зориулалтын алчуурыг / "илгэн" гэж бид ярьдаг/ угаах, арчихдаа хэрэглэнэ. Загалтуулахгүй байхад ач холбогдолтой
8. Зориулалтын бус химийн бодис хэрэглэж болохгүй.
9. Угаахдаа эхлээд усаар заавал норгож хир, шороог дэвтээнэ.
10. Дотор талыг эхэлж угаагаад дараа нь гадна талыг угаавал эхний угаасан хэсгээ бохирдуулахгүй сайн талтай
11. Хэрэв хөдөлгүүрийг угаах бол түүнийг нэн тэргүүнд угаана. Хөдөлгүүр угаахад аккумуляторын батарейг заавал салгасан байх хэрэгтэй.
12. Дээрээс нь доош чиглэлтэйгээр нэг талаас нь эхлэн тойруулан хөөж угаана.
13. Дээврийн усыг шавхарч авахгүй бол сүүлд нь угаасан хэсгийг доош урсан бохирдуулдаг.
14. Салон доторхи угаалгыг хийхийн өмнө бүх багаж, эд зүйлсийг гадагш нь гаргаж цэвэрлэн бэлтгээд тоос сорогчоор бүх хогийг соруулж авна. Хуурай шүүрдэх нь сайн үр дүнтэй арга биш.
15. Салоны угаалгыг гараар хийвэл илүү сайн болно.
16. Хүйтний улиралд угаалгыг болгоомжтой гүйцэтгэх хэрэгтэй. Цоожны нүх. резин эдлэлүүд зэрэг дээр үлдсэн ус нь гадаа хүйтэн агаарт гарангуут хөлдөж хэвийн ажиллах боломжгүй болгосноос таныг асуудалд оруулж болох тул хаттал арчиж, нарийн нүх сүвтэй хэсгүүдийг шахсан хийгээр үлээлгэн цэвэрлэж хатаана.
17. Өнгөлгөөг зориулалтын аргаар байнга хийж байвал машинд тоос тогтох нь маш бага болно.
18. Машины тоос шороог ширүүн алчуураар хуурай арчих нь гялгар лакан гадаргууг гэмтээж зураастай болгодог.

Машинаа удаан эдлэх 10 зөвөлгөө

Gh05T — Sun, 11 Apr 2010 07:14:55 GMT

Шинэ машин авах гэж хясалж байсанаас одоо барьж байгаа машиндаа цаг болон харьцангуй бага зардал гарган эдэлгээг нь уртасгах боломжууд: Өнөөгийн Улаанбаатарт А цэгээс Б цэгрүү машинаар очихын тулд нилээд эр зориг шаардагдах болжээ түүгээр ч барахгүй тэнгэрт тулсан шатхууны үнэн нь бидний зовж

олдог хэдэн төгрөгийн ихэнх хэсэгийг нь залгиж орхидог билээ. Бид машиныхаа хэрэглээний зардал болох шатахууны үнэ, засвар үйлчилгээний төлбөр, даатгалын зардал гэх мэт зардлуудыг удирдах эрх мэдэл байдаггүй ч машиндаа хэрхэн анхаарал тавихаас шалтгаалан хэрэглээг нь уртасгаж болдог. Хэдхэн жил болоод л машинаа солих шаардлага гаргаж байсанаас байгаа машиныхаа хэдхэн зүйл дээр анхаарал тавин хэвээр нь байлгах 10 зөвөлгөөг танд хүргэж байна.

Агаар шүүгч
Ихэнх жолооч нар машиныхаа тос болон тосны шүүгчыг байнга солиж байх шаардлагатайг мэддэг. Гэвч бусад шингэн болон шүүлтүүрүүдийг ч байнга сольж байх хэрэгтэй. Жишээлбэл агаар шүүгчийг солиж байх нь таны машин шатхуун бага зарцуулах бөгөөд хөдөлгүүрийн ашиглалтын хугацааг уртасгадаг байна.
Хөргөх шингэн
Машины хөргөх системийг арчилж байх нь тос тосоолоо сольж байх шиг чухал юм. Хөргөх системийн гэмтэл нь хөдөлгүүрийг “хайлуулж” болох тул таны машинд маш том гэмтэл үүсгэж болох талтай. Урьдчилан сэргийлж хөргөлтийн системээ арчилж байх нь таны маш их мөнгийг хэмнэх боломжтой юм.

Дугуйны даралт
Дугуй нь машины хамгийн хайнга хаяагдсан хэсэг юм. Ихэнх хүмүүс машины дугуйны даралтын байх хэмжээнд нь анхаарал тавидаггүй нь машинд муугаар нөлөөлдөг гэдэгийг мэддэггүйтэй холбоотой юм. Дугуйны даралт нь байх хэмжээнээсээ зөрвөл машины эвдрэл ихсэхээс гадна шатахуун ихээр зарцуулдаг байна. Гэхдээ хамгийн чухал нь аюулгүйн байдал юм.

Оншилгоонд тогтмол оруулах
Та ямар нэгэн өөрийнхөө итгэдэг засварын газар эсвэл засварчиныг олоод тэр нэг газартаа машинаа байнга үзүүлж байх нь танд ашигтай. Учир нь бид өвдөх болгондоо өөр өөр эмчид очиж үзүүлээд байдаггүй шүү дээ. Тийм болохоор нэг засварчинаар машинаа засуулж байх нь таны машиныг илүү сайн засаж байх болно.
Машиндаа шалгалт хийж байх
Та одооноос эхлэн машиндаа үе үе шалгалт хийж байхыг бид танд санал болгож байна. Машинаа тойруулан ажиглаж, дугуйний хий адил хэмжээтэй эсэх болон хамраа сөхөж резин холойнуудыг шалгах мөн бүх гэрэлүүд ажиллаж буй эсэхийг шалгахад ердөөл 5 минут хүрэхгүй хугацаа зарцуулагдна. Энэ нь таны машинд гарж болох эвдэрэл гэмтлээс урьдчилан сэргийлэх нэг хэлбэр юм.

Хянах самбарын анхааруулах гэрэл
Хэрвээ машины тосны даралт, хөргөх систем эсвэл дугуйны даралтанд ямар нэгэн асуудал гарахад хянах самбар дээр анхааруулах дохио өгдөг билээ. Гэвч ихэнх хүмүүс тэр дохионуудыг анзаардаггүй эсвэл анзаарсан ч анхаарал тавидаггүй нь нотлогджээ. Тийм ч учираас машин үйлдвэрлэгчид хянах самбарын анхааруулах гэрлийг “тэнэгүүдийн” гэрэл гэж нэрэлсэн ба хүмүүсд ямар нэгэн асуудал машинд гарсаныг анхааруулах гэж хийжээ.

Хуваарь гаргах
Хэрвээ та анзаарсан бол таны машины заавар дээр оншилгоонд оруулж байх хуваарь байдаг ч нэг засварчинаар машинаа засуулж байх давуу тал нь дараагийн ээлжинд юу солиулах болсоныг тэд мэдэж байдаг нь юм. Хэрвээ өөр өөр газар очиж машинаа янзлуулбал тэд юуг нь солисон мөн ямар үйлчилгээ машинд хэрэгтэй болох талаар мэдэхгүй тул танд зөв зөвөлгөө өгж чадахгүйд хүрж болзошгүй.

Ухаалаг жолоод
Та машинаа яаж жолоодож байгаагаас шалтгаалан таны машин болон шатахуун тань хэр хурдан дуусах нь шалтгаалж байдаг. Огцом хурд авах эсвэл огцом зогсох зэрэг үйлдлүүд нь машин хэвийн хэмжээнээсээ илүү их шатахуун зарцуулаад ч барахгүй дугуй хурдан илэгдэх мөн хөдөлгүүр болон тормосны системд сөрөг нөлөө үзүүлдэг байна.

Цэвэрхэн байдал
Машиныг шинээр нь харагдуулах бас нэг нөхцөл нь тогтмол угааж өнгөлөж байхаар ч тогтохгүй дотор салоныг ч мөн цэвэрлэж байх шаардлагатай юм. Машиндаа үнэртүүлэгчгүйгээр цэвэрхэн үнэртэй байлгахад цаг гаргаж байхыг мөн хөлийн гишгүүрийн хэвсийг тотмол тоос сорогчоор цэвэрлэж байхыг зөвлөж байна. Хэрвээ машиндаа ямар нэгэн толбо гаргах зүйл асгавал тэр дор нь цэвэрлэж байх нь удааж байгаад арилгах гэж оролдсоноос хурдан арилдагыг мэдэхэд илүүдэхгүй.

Гадна арчилгаа
Хамгийн сүүлийн зөвөлгөө бол машинаа хадгалахдаа гражинд эсвэл тусгай хамгаалалтийн бүрээсээр бүтээж байх юм. Гадаа нарны гэрэлд машиныг удаан байлгах нь гадаад өнгө төрхийг хурдан гандуулдаг бөгөөд бусад жижиг зураасууд гарах нь элбэг байдаг.

Дээрх зөвөлгөө танд хэрхэн машинаа урт наслуулах талаар ч зогсохгүй мөн хэрхэн зөв арчилж шинэ дүр төрхийг нь хадгалах талаар ойлголт өгсөн гэдэгт бид найдаж байна. Мэдээж машин техник гэдэг бол үүрд мөнх эд биш нь ойлгомжтой гэхдээ зөв арчилгаа нь маш удаан эдлэх нэг шалтгаан болдог.

Машиныхаа обудыг хэрхэн зөв сонгож авах вэ?

Gh05T — Sun, 11 Apr 2010 07:07:18 GMT

Ихэнх жолооч нарын хувьд шинэ обуд худалдан авахдаа гадаад өнгө үзэмжийг нь хардаг. Өнгө үзэмж чухал ч таны машинд яг таарсан обуд байх нь нэн чухал. Учир нь обуд машины явах эд ангид чухал үүрэгтэй. Тиймээс обуд шинээр худалдан авахдаа доорхи зүйлсийг анхаараарай.

1. Дискэн обуд нь хотын зам, бартаат замд аль алинд нь тохиромжтой байдаг. Зарим дискэн обуд нь тоормосыг хөргөөхийн тулд салхи үлээх тусгай загвараар ч хийгдсэн байдаг. Гэхдээ ер нь дискэн обуд тоормосыг хэт их халахаас хамгаалдаг давуу талтай.

2. Ердийн хэмжээнээс арай том хэмжээтэй обуд таны машиныг илүү спорт маягийн харагдуулна. Мөн машины жолоодлогод ч сайн талтай. Гэхдээ урьдныхаасаа том хэмжээтэй обуд авахдаа анхаарах зүйлс бий. Та өмнө нь хэрэглэж байсан обуднаасаа 1 юмуу 2 размераар том обуд авахад хангалттай. Хэмжээ томрох тусам жин нь нэмэгдэнэ гэсэн үг.

3. Машины тань хэмжээнд хэтэрхий томдсон, эсвэл хүндэдсэн обуд авч болохгүй. Хүнд обуд шатахуун их идэхэд нөлөөлөхөөс гадна машины жолоодлогод муу. Тиймээс хайлшин обуд хөнгөн тул нэн тохиромжтой байдаг. Тэр хэмжээгээрээ хайлшин обуд илүү үнэтэй байдаг. Хайлшин обуд дотроо хөнгөн цагаан, магнийн хайлшин гэсэн олон төрөлтэй. Магнийн халшин обуд хамгийн үнэтэй ч хамгийн хөнгөн бат бөх байдаг.

4. Мэдээж машины тань обудны эрэг боолт яг таарч байгааг сайн нягтлаарай. Ер нь обуд худалдан авахад ерөнхий 3 зүйл хамгийн чухал: эрэг боолт, өргөн, машины дугуйны тэнхлэгийн хэмжээ.

www.360wheel.com, уруу орж обуд сонирхоорой.

Бензинээ Yр Дvнтэй Хэмнэх Сонирхолтой Зөвлөгөө

Gh05T — Sun, 11 Apr 2010 07:05:42 GMT

Бензиний vнэ хаа сайгvй нэмэгдэж байгаа өнөө vед бензинээ хэрхэн хэмнэх талаар сонин хэвлэл, бусад мэдээллийн хэрэгслээр янз бvрийн зөвлөгөөнvvд өгөх болжээ. Тэдгээр зөвлөгөө хэр vр дvнтэй, vнэн зөв болохыг www.edmunds.com гэдэг сайтаас туршилт явуулж шалгаад доорх дvгнэлтэнд хvрчээ.

Хурд Тvгжигчээ Хэрэглэ.
Та хурдны зам дээр явж байгаа тохиолдолд хурд тvгжигчээ ашиглан хурдаа нэг хэмнэлтэй авч явсанаар бензинээ 7-14%-иар хэмнэж болно. Тиймээс таны машинд хурд тvгжигч байдаг л бол тvvнийгээ ашиглаж байгаарай. Ингэснээр та ойр ойрхон хаазан дээр гишгэн машинаа огцом ухасхийлгэх шаардлагагvй юм. Мөн замын бартаа гаргах гэж байн байн хурдаа сааруулахаас зайлсхийн холын бараа харж явахад тань тусална.

Цонхоо Онгойлгох уу, Агааржуулагчаа асаах уу?
Манайхны дунд машиныхаа агааржуулагчийг хэрэглэх нь бензин их идэх бас нэг шалтгаан болдог гэсэн ерөнхий ойлголт байдаг. Тэгвэл энэ туршилтаар цонхоо онгойлгож давхих, агааржуулагчаа асаагаад цонхоо хаах хоёрын хооронд бензин их бага идэх ямар ч ялгаа гараагvй байна. Өөрөөр хэлвэл агааржуулагч асаахаар мотороос хvч очиж бензин vрэх боловч, цонхоо онгойлгосноор салхи машины хурдыг удаашруулж агааржуулагч хэрэглээгvйгээс олох бензинийг vрчихдэг байна. Тиймээс халуун өдөр бензинээ харамлалгvй АС-гээ асаагаад явахад гэмгvй шvv, хvмvvс ээ.

Тvрэмгий болон Жигд Хурд.
Бид хотын гудамжинд нэг нэгнээсээ өрсөн давхих, хурдны замд бие биетэйгээ уралдах нь элбэг байдаг. Тэгвэл огцом хурдаа авах, гэнэт тооромслох нь бензин vрэгдэхийн гол шалтгаан болдог байна. Жигдхэн сайхан давхиснаар та 37%-иар бензинээ хэмнэх боломжтой болох нээ.

Дугуйныхаа хийг шалгаж бай.
Дугуйгаа бvрэн хийлэх нь таны бензинийг хэмнэх vv? Туршилтаас харахад нэг их ялгаа гарахгvй байгаа боловч зам дээр гарах ослоос сэргийлж, дугуйг амархан элэгдэж гэмтэхээс сэргийлдэг байна. Тиймээс дугуйныхаа хийг бvрэн эсэхийг хол замд гарахдаа ямагт шалгаж бай.

Тvр зогсолтонд машинаа унтраах хэрэгтэй юу?
Та мөнгөө хэмнэх vvднээс өрөөнөөс гарахдаа өрөөнийхөө гэрлийг унтраадаг шиг машинаа унтрааснаар бензинээ хэмнэж байгаа. Тэгвэл гэрлэн дохион дээр гэрэл хvлээх бvртээ машинаа унтраах хэрэгтэй юу гэсэн асуулт урган гарч байна. Ихэнх хvмvvсийн яриагаар бол машинаа унтрааж асаах болгонд бензин vрэгдэж байгаа болохоор тvр зуурын зогсолтонд машинаа унтраах шаардлагагvй гэж vздэг. Харин манай туршилтаар ойр ойрхон тvр зуур зогсох нь харин ч бензинийг ихээр иддэг төдийгvй та 1-ээс илvv минут зогсох хэрэг гарвал машинаа унтраасан нь дээр гэсэн тооцоо гарчээ. Ингэснээрээ та бензинээ 19%-иар хэмнэж чадах нээ.

Хурдаа багасга.
Ихэнх оронд зам дагуу хурдны хязгаарууд байдаг. Манайд ил байдаггvй ч замын дvрмэндээ хот дотроо 60kм/ц, хотоос гадна 100 км/ц гэж заадаг. Гэвч vvнийг баримталдаг хvн байдаггvй байна. Хэрэв та хурдны хязгаар дотроо давхих юм бол 14% хvртэлх хувиар бензинээ хэмнэх бололцоотой болох юм байна.

Орж ирсэн Япон машин авсан бол наашаа!

Gh05T — Sun, 11 Apr 2010 07:03:52 GMT

Манай оронд хил гааль-аар орж ирж буй машины 80% нь 5-аас дээш жил тухайн улсдаа явж байсан тээвэрийн хэрэгсэл байдаг. Өдөрт замын цагдаагын бүртэлийн газар дундажаар 60машин бүртгүүлсэний 10машин нь 3аас доош жил ашиглагдсан байна. Ингэхлээр үлдсэн үлдсэн 50 машин авч буй жирийн ард иргэддээ зөвлөгөө өгъе! Японоос орж ирсэн машинууд гаднаас нь хархад л яачиж сайн угаасан тогтож хархад андашгүй байдаг гадна сэв дотор саланы элгэдэг үрүүлийн бракны болон хазны педалны илдэгдэл таазны үстэй мэт материал-аас харин тухайн машиныг хэдэн км явсан ямар хүн унаж байсаныг мэдэж болно. Манай оронд хамгийн эрэлт ихтэй байдаг машинууд нь гол төлөв хөдөлгүүрийн багтаамж багатай авсаархан сүүдлын машин болох Toyota Carina, Sprinter, Nissan pulsar, sunny, Mazda demo, зэрэг машинууд байдаг ба эдгээр машин нь япондоо жижиг албан хаагч бага орлогтой иргэд ундаг нь ойлгомжтой байдаг. Тиймээс хямд машин бол хямд л байдаг гадна хөнгөн цагааны хольц доторх салоны материал битүүмжлэл гэх мэт. Эдгээр орж ирсэн машинуудыг захын болон диллерь-н худалдаачид амортизатор( аморжин) обуд дугуй хөгжим зэрэгийг сольсон байдаг миний анхны машинаа авхад л 7 хоноод л амортизатор нь тос хаяж эхэлж байсан. Тиймээс нэгэнт бид мөнгөндөө тааруулж хүний хэрэглэсэн машин авсан юм чинь тохирох засвар үйлчилгээ манай оронд тохирсон тос масолыг нь хийх хэрэгтэй. Хамгын эхэлээд Моторын тос, Хурдны хайрцагны тос, Гидерийн шингэн, очлуур, агаар шүүгч-ыг заавал солих шаардлагатай.

1.Моторын тосыг өөрт таарах тос хийх ёстой хэрэв таны машин турбо -гүй бол заавал 15000-25000ийн үнэтэй Синтэтик тос хийх шаардлаггүй энгийн чанартай тос хийж болно миний хувьд би Castrol-ын үнэнч хэрэглэгч тэндий тос нь тослох чанар өндөртэй харлах нь бага үнэ нь ч боломжын гол нь нэр хүндтэй компань-н тос юм. Тосыг 5000км исвэл 3сар яваад солих шаардлагатай. Харин тос солихдоо хөдөлгүүрээ угаалга гэж засварынхан хэлдэг би энийг дэмждэггүй учир нь энэ шингэн нь тослох чанар муутай тул хөдөлгүүрт дуу оруулах буруу хэрэглэвэл хөлдөгүүр эвдэх аюултай. Харин арай хямд тосоор угаалгавал аюул байхгүй баталгаатай. Дээр нь нэмж хэлхэд RangeRover Porsche Touareg зэрэг үнэ ихтэй тэрэгүүдийг засварын газарууд тос солихдоо угаагч хэрэглэдэгүйг санах хэрэгтэй. Монголд хамагын түгээмэл худалдаанд байдаг угаагч

2.Хурдны хайрцагны тос солих. Энэ тухай би бичсэн байгаа энд дарж уншиж болно харин орж ирсэн машин авсан бол заавал солих шаардлагатайг санах хэрэгтэй.

3.Гидерийн шингэн. Миний мэдэхийн орж ирж буй машины Гидерийн шингэн нь шар өнгөтэй -25градуст тослох чанараа алдаж царцаж гидерийн апрат эвдэх өндөр аюултай мөн монголд одоогоор худалдаанд байхгүй тийм болхоор худалдаанд зарж буй яагаан өнгөтэй шингэн хэрэглэх хэрэгтэй энэ нь царцах темпратур өндөр үнэ ч хямд.

4.Очлуур- Япондоо хэдэн ч сар гадаа зогсож хэзээ ч солисон юм билээ засварчинаар үзүүлж байгааад солиулсан нь дээр энэ нь бензин зарцуулалт өвөл хүйтэнд асалтанд маш их нөлөөтэй.. Очлуурын тухай би энд бичсэн байгаа хэрэв ямар марк-ын очлуур таны машинд таарахаа мэдэхгүй бол сэтгэгдэл(comment) үлдээгээд надаас асууж болно.

5.Агаар шүүгч. Агаар шүүгч нь ихэнхдээ муудсан байдаг ба солих нь хөдөлгүүрийн тос амархан харлуулахгүй сайн талтай үнэ 5000-15000. жилдээ нэг л солиход хангалттай. Харин болж өгвөл тосон агаар шүүгч авах хэрэгэй. Энэ нь илүү сайн шүүдэг ба агаарын хоолойн дахь цахилгаан хэрэгсэлийн хамгаалдаг сан талтай үүнд MAF мэдрэгч. Энэ нь хөдөлгүүрт шаардлагатай ажилын холимогыг өгөхөд орж буй агаарын хэмжээ болон халуун хүйтэнийн тухай мэдээлэл өгдөг маш хэрэгтэй мэдрэгч юм.

5. Хөргөлтийн шингэн-Мэргэжлийн хүнээр үзүүлэх хэрэгтэй

за тэгээд хамгын сүүлчийн зөвөлгөө бол Carb Cleaner-ээр нэг удаа цэвэрлэхэд илүүдэхгүй дээ машин чинь хамар нь онгойгоод л сайхан болоод явчихна.

За таны машин болон таньд Алтан шар зам тань өлзийтэй байг гэж ерөөл дэвшүүлье

GDI -тэй автомашин монголын нөхцөлд тохиромжтой юу?

Gh05T — Sun, 11 Apr 2010 06:54:36 GMT

Автомашиныг анх зохион бүтээсэн цагаасаа эхлэн өнөө хүртэл илүү боловсронгүй дэвшилттэй технологийг өөртөө шингээн хөгжиж яваа билээ. 2005оноос эхлэн манайд GDI -тэй автомашин буюу түлшний шууд цацалттай бензин хөдөлгүүртэй автомашин орж ирэх нь түгээмэл болсон билээ. Мицубуши болон Тоёота автомашин үйлдвэрлэгчид өөрсдийн дарaах загваруудадаа энэ технологийг тусгажээ. Эдгээрээс монголд түгээмэл байдаг загваруудыг доорх жагсаалтанд үзүүлж байна. D4 нь GDI-тэй товчхондоо бол нэг ижил технологитэй юм.

Мицубуши-Galant, RVR ,IO Pajero, Pajero, Lancer

Тоёота- Mark 2 110, Corona, Nadia, Vista

GDI хэрхэн ажилдаг вэ?

Энэ нь бензин хөдөлгүүр болон дизель хөдөлгүүрийн түлшний цацалтын системтэй нийлж ажилладаг гэж хэлж болно. GDI-тэй хөдөлгүүрт 2 төрлийн насос байрлах ба нэг нь бензиний банк-нд байрладаг ба энэ насос нь тусгай удирлагаар өндөр даралт үүсгэн бензинийг 2дахь буюу үндсэн насост өгөх ба тодорхой шат дамжлага дамжин бензинд шаардлагатай даралтыг үүсгэн шаталтын камерт байрласан форсункаар тусгай хуулирал үүсгэхэд зориулагдсан хэлбэртэй поршингын толгойд цацаж өгдөг байна. Ингэж шатсан ажлын холимог буюу бензин агаар нь энгийн цацалттай машиныг бодвол маш сайн шатдаг байна.

Сайн тал.

Огцом хурд авалт болон 120км/цаг хурд дээр маш бага бензин зарцуулдаг.

Энгийн хөдөлгүүрийг бодвол хүчин чадал дундажаар 20% илүү.

Агаарт ялгаруулах Co2 болон азотын давхар исэлийн хэмжээ бага.

Муу тал.

Монголын нөхцөлд

Бензиний зарцуулалт яваандаа ихэсдэг

Хөдөлгүүрийн тос амархан бохирддог

Хөдөлгүүр доголдох ба энгийн нормальдаж байх үед унтах

Өвөл хүйтэнд болон энгийн үед асалт муудах

Өмхий сонин үнэртэй утаа ялгаруулдаг

Кастер руу бензин орох магадлал өндөр

Утааны ялгаруулалт ихсэнэ.

GDI нь үнхээр сайн технологи юм. Сүүлийн үеийн хөдөлгүүрүүд ихэнх нь энэ технологийг ашиглаж байгаа ба манай орны бензины хольц болон чанарт болоод манай оронд ийм нэр хүнд муутай байгаа юм. Харин муу тал нь монголын хэрэглээнд ажиглагдсан түгээмэл гэмтэлүүд юм. Хэдий япондоо олон жил явсан болон хөдөлгүүр болон GDI нь хуучирч муудсан нь эдгээр эвдрэлд нөлөөж байгаа ч ерөнхийдөө энэ технологийн хийцээс шалтгаалсан гэмтэл байв. Мөн хойд хөршөөсөө авч буй бензиний чанар тэдгээр нь эвдрэлийн шалгаан нь байгаа юм. Хойд хөрш ОХУ маань Герман улсруу бензин экспортлох тухай германы нэгэн сонинд хэлэхдээ манай хөдөлгүүрүүд удахгүй эвдрэхнээ гэсэн тухай уншиж байсан юм байна. Эдгээр бензиний гол ялгаа нь бензин дотор агуулагдах хүхрийн хольц юм. Бензинд агуулагдах хүхрийн хольц нь 5дахин их болоод ирэхээр чинь германы сонин хэвлэлүүд ингэж нийтлэх нь аргагүй биздээ.

GDI-тай хөдөлгүүрийн эвдрэл гэмтэл ба сэлбэг хэрэгсэл.

Үндсэн насон буюу GDI-д нарын маш мэдрэмтгий мэдрэгч байрладаг ба түүний ажлын суваг нь маш нарийхан ба муу бохирдол ихтэй бензин амархан бөглөрдөг ба ингэснээр уг суваг дахь даралтын тухай дохиог GDI мэдрэхгүйгээр байнгын ачаалалтай ажиллаж улмаар эвдэрдэг байна. Харин энгийн үед буюу нормальдах үед энэ дохио нь хэрэг болдоггүй учир хөдөлгүүр хэвийн ажилладаг байна. Ингэж эвдэрсэн тохиолдолд янзлах аргагүй ба солихоос нааш янзлагдахгүй. Үнийн хувьд 300.000-600.000ийн үнэтэй ба мөн бензиний шүүр нь амархан бохирддог. Дундажаар 80000-ийн үнэтэй мөн очлуур нь 25000-ийн үнэтэй. Эдгээр сэлбэгийн үнэ нь энгийн машиныг бодвол хэд дахин их зардалтай байдаг байна.

Нэмэлт

D4 нь GDI-ийг бодвол илүү өндөр даралт үүсгэдэг болхоос бусдаар ижил болно. Манайд эдгээр хөдөлгүүртэй машин зарагдах нь элбэг ба битгий худалдаж ав гэж чин сэтгэлээсээ зөвлөмөөр байна. Худалдаж авсан тохиолдолд буцааж зарахад ч асуудалтай хэцүү.

Зөвөлгөө

Gh05T — Sun, 11 Apr 2010 06:49:04 GMT

Ямар жолоочыг сайн жолооч гэх вэ?

Машинаараа тулталж хурдалж чаддаг жолоочыг сайн жолооч гэнэ гэж та бодож байвал үгүй юм байна. Шаардлагатай цагт машинаа осолгүй зогсоож чаддаг жолоочыг сайн жолооч гэдэг юм байна. Мэдээж сайн жолооч байхын тулд тоормосны наклад чанартай байх нь маш чухал. Манай орны зах зээлд борлуулагдаж буй нийт накладны 80% нь урд хөршөөс орж ирдэг дууриамал наклад байдаг байна. Эдгээр наклад нь азмистан материалыг агуулсан байдаг байна. Та анзааарсан уу гадуур явж буй зарим машины обуд нь харалсан байдагыг. Тэгвэл тэр машины жолооч дууриамал наклад машиндаа авч хэрэглэсэн байна гэсэн үг. Машины тормос ачаалалын үед 400-700Целсийн градус хүртэл халдаг байна. Иймд чанаргүй азмистан наклад нь энэ ачаалалыг дийлэхгүй хагардаг ба улмаар машин зогсох газраа зогсож чаддагүй тоормосны зам уртасдаг байна. Манай зах зээлийн 80%-г эзэлсэн хуурамч наклад нь үнийн хувьд хямд боловч чанар эдэлгээний хувьд илүү богино настай байдаг байна. Иймд бага зэрэг үнэтэй ч гэсэн оригналь шинэ наклад эсвэл гадуур хуучин сэлбэг зардаг дэлгүүрээс орж ирсэн буюу бага зэрэг хэрэглэсэнг авах нь илүү эдийн засагт хэмнэлттэй сонголт байх болов уу?

Яагаад хорт хавдарт хүргэдэг бэ?

Зуны халуун өдөр цонхоо онгойлгоод явах дургүй хэн байх билээ. Тэгвэл эдгээр азмистан материалын хольцтой дууриамал наклад нь авто машин тоормослох явцад таны уушигаар дамжин таны биед ордог ба ингэснээр хорт хавдар үүсгэдэг байна. Учир нь Европын холбоод азмистан материалаар хийсэн дууриамал накладыг хүний биед маш их хор хөнөөлтэй учир худалдаалахыг хориглодог гэнэ. Манай оронд энэ талын ямар ч хууль эрх зүйн орчин болон хараа хяналт байхгүй учир эдгээр хүний биед хортой эдийн засаг эрүүл мэндэд хөнөөлтэй тоормосны наклад нь урд хөршөөс чөлөөтэй орж ирдэг байна.

Тоормосны наклад хадуулах гэж юу вэ?

Нийслэл Улаанбаатарт маань энэ тэндгүй наклад хадна гэсэнтэй та таардаг байх тэр тусмаа баянбүрдийн ойр хав; бидний нэрлэж заншиснаар амжиргааны гудамж буюу би чадныхан. Том оворын орос тэрэгны хэрэглэсэн накладны цаасыг таны хуучин тормосны наклад нь тааруулан дрилээр өрөмдөн тогтоож өгдөг ба энэ үйлчилгээ нь хямд үнэтэй түргэн шуурхай ч дараах муу талтай.

1. Хадуулсан наклад нь ориглань накладыг бодвол үүрч бутардаггүй ч тоормослох чадвар муутай тоормосны зам уртасдаг байна.

2. Хэрэглэх явцад дуусахдаа өрөмдөж тогтоосон хадаас нь тоормосны пеланзыг зурах магадлалтай ба ингэж зурагдсан пеланзыг заавал өнгөлүүлсэний дараа эргэн тавих хэрэгтэй. Өнгөлүүлээгүй тохиолдолд шинэ наклад тавихад хурдан дуусдаг ба мөн л тормосны зам уртасдаг байна.

Ингээд чанартай оригналь сэлбэг хэрэгсэл хэрэглэж эрүүл мэнд, эд хөрөнгөө хамгаалцгаая!